Məktəb direktorunun otağından oğurluq edilib
Hadisə Sulutəpə qəsəbəsi, R.Allahverdiyev küçəsi, döngə 8 yerləşən Laçın rayon 10 nömrəli tam orta məktəbində qeydə alınıb.
Məktəb direktoru Gülşən Tağıyevanın “Ölkə.Az”a verdiyi məlumata görə, oğurluq onun otağından olub:
“Oğru və ya oğrular 6-cı gün günortadan sonra, dərs olmayan gün dəhlizin pəncərəsinin dəmir barmaqlıqlarını sındırmaq yolu ilə məktəbə daxil olublar, oradan da otağıma daxil olub siyirmədə olan 60 manat pulu götürüblər. Həmçinin otağımı dağıdıblar. Mən də dərhal polisə məlumat verdim”.
Hazırda faktla bağlı əməliyyat-istintaq tədbirlərinə başlanılıb.
