Keçmiş narkobaron küllü miqdar narkotiki kimdən alıb
“Ölkə.Az”ın məlumatına görə, bu gün hakim Eldar İsmayılovun sədrliyi ilə cinayət məcəlləsinin 234.4.3-cü maddəsi ilə təqsirləndirilən şəxsin məhkəməsinin hazırlıq iclası keçiriləcək.
İttiham aktına görə, 2017-ci il dekabr ayının 25-də Sumqayıt Şəhər Polis İdarəsi əməkdaşları tərəfindən narkotiklərin qanunsuz dövriyyəsinin qarşısının alınması, həmin əməlləri törədən şəxslərin aşkar edilərək məsuliyyətə cəlb olunmaları istiqamətində növbəti əməliyyat tədbiri həyata keçirib. Nəticədə bu tipli qanunazidd əməllərlə məşğul olmaqda şübhəli bilinən Sumqayıt şəhər sakini, əvvəllər məhkum olunmuş Ramil Kərimov polis əməkdaşları tərəfindən saxlanılıb.
Polis İdarəsində onun üzərinə baxış zamanı 0,991 qram narkotik maddə hesab edilən heroin aşkar olunub.
Əməliyyat tədbirlərinin davamı olaraq R.Kərimovun yaşadığı evə baxış keçirilib. Bu zaman oradan külli miqdarda narkotik vasitə olan heroin aşkar edilərək götürülüb. Ekspertizaya təqdim olunan həmin narkotik vasitənin ümumi çəkisinin 2 kiloqram 995 qram heroin olması barədə rəy verilib.
Saxlanılan şəxs ifadəsində külli miqdarda narkotik vasitəni qabaqcadan cinayət əlaqəsinə girdiyi şəxsiyyəti məlum olmayan İran İslam Respublikasının vətəndaşından aldığını bildirib.
