1 həftə əvvəl qəzaya düşən piyada dünyasını dəyişib
Aprel ayının 15-də qəzaya düşən piyada xəstəxanada dünyasını dəyişib.
“Ölkə.Az”ın xəbərinə görə, Nizami rayonunda baş verən qəzayla bağlı 3 saylı şəhər xəstəxanasına yerləşdirilən Əkbər Məmmədov xəsarətləri ağır olduğundan dünyasını dəyişib.
Xatırladaq ki, aprel ayının 15-də Baba Qafarov idarə etdiyi “Hyundai” markalı avtomobillə yolu keçmək istəyən piyada Əkbər Məmmədovu vurub. Baş vermiş hadisədən dərhal sonra yaralı sürücü vasitəsi ilə xəstəxanaya çatdırılıb.
Faktla bağlı Nizami RPİ-nin İstintaq Şöbəsində cinayət məcəlləsinin 263.2-ci maddəsi ilə cinayət işi başlanıb, sürücü B.Qafarov istintaqa cəlb olunub.