Məşhur ticarət mərkəzində oğurluq
Bakının Səbail rayonu, Neftçilər prospektində yerləşən ticarət mərkəzində telefon oğurluğu faktı qeydə alınıb.
“Ölkə.Az”a verilən məlumata görə, “ParkBulvar”da alış-veriş edən Nərminə Şükürovanın mobil telefonu oğurlanıb. Belə ki, sanitar qovşağına daxil olan qız 2 dəqiqəliyinə telefonunu güzgünün qabağında qoyub və ayaq yoluna daxil olub. Ancaq çıxanda telefonunun oğurlandığını görüb. N. Şükürova dərhal polisə məlumat verib və hadisə yerinə gələn 39-cu polis bölməsinin əməkdaşları ilkin əməliyyat-axtarış tədbirləri həyata keçiriblər.
Faktla bağlı Səbail RPİ-də oğurluq maddəsi ilə cinayət işi başlanıb.
