Məişət tullantıları daşıyan maşın qəza törətdi
Xəzər rayonunda baş verən qəza nəticəsində 1 nəfər ölüb, 1 nəfər isə ağır vəziyyətdə 3 saylı şəhər xəstəxanasına yerləşdirilib.
“Ölkə.Az”ın xəbərinə görə, aprel ayının 18-də Yaqub Balaqardaşovun idarə etdiyi çirkab-maye maşını yolu keçmək istəyən 2 bacı-1970-ci il təvəllüdlü Gülnarə Əlipənahova və 1958-ci il təvəllüdlü Nənəgül Babayevanı vurub. Hadisə nəticəsində xəsarət alan hər iki qadın xəstəxanaya yerləşdirilsələr də, ötən gün 48 yaşlı G.Əlipənahova dünyasını dəyişib.
Faktla bağlı Xəzər RPİ-də cinayət məcəlləsinin 263-cü maddəsi ilə cinayət işi başlanıb. Hadisəni törədən Xəzər Rayon İcra Hakimiyyətinin nəznində olan MKT-nın sürücüsü istintaqa cəlb olunub, ifadəsi alınıb.
