Binəqədi rayonunda 3 nəfəri soydular
Hadisə Biləcəri qəsəbəsində yerləşən kafelərin birinin qarşısında qeydə alınıb.
“Ölkə.Az”ın xəbərinə görə, 3 soyğunçu 3 nəfəri soyub. Belə ki, “Dəlidağ” kafesinin qarşısında dayanan İntizam Cəfərov, Orxan İmanov və Nəcməddin Babayevin əlindən soyğunçuluq yolu ilə 1 mobil telefon, qol saatı və 15 manat pulu alıblar.
6-cı polis bölməsinin əməkdaşları tərəfindən keçirilən əməliyyat-axtarış tədbirləri nəticəsində hadisəni törətməkdə şübhəli bilinənlərdən 1 nəfər-Hüseynov Elşən Vaqif oğlu saxlanılıb. Digər şəxsləri saxlanılması istiqamətində müvafiq əməliyyat tədbirləri davam etdirilir.
Faktla bağlı Binəqədi RPİ-nin İstintaq Şöbəsində soyğunçuluq maddəsi ilə cinayət işi başlanıb.
