Nəsimi rayonunda qadını insanların gözü qarşısında soydular
Hadisə rayonun Cavadxan küçəsi 1-in qarşısında qeydə alınıb.
“Ölkə.Az”ın xəbərinə görə, Cəmilə Quliyeva adlı qadın günün günortaçağı soyğunçuluğa məruz qalıb.
Belə ki, alış-veriş edib marketdən çıxan qadını güdən şəxs onun əlindəki 50 manat pulu götürərək qaçıb.
Ancaq ərazidə xidmət aparan 19-cu polis bölməsinin əməkdaşları soyğunçunu uzağa getməyə qoymayıblar. Həbs olunan şəxsin Mehman Mahmudov olduğu məlum olub. İstintaq şöbəsinə təhvil verilən M.Mahmudov barəsində cinayət məcəlləsinin soyğunçuluq maddəsi ilə cinayət işi başlanıb.
