Azərbaycanda yeni yubiley medalı təsis edildi
“Azərbaycan Ədliyyəsinin 100 illiyi (1918-2018)" yubiley medalı təsis edilib.
“Ölkə.Az” xəbər verir ki, bununla bağlı qanun layihəsi barədə məlumat verən Əli Hüseynli Azərbaycan Xalq Cümhuriyyətinin 100 illik yubileyi ərəfəsində bu medalın təsisinin çox önəmli addım olduğunu deyib. Medalın təsviri barədə məlumat verən millət vəkili bunu tamamilə məqsədəuyğun təşəbbüs hesab edib.
Qanun layihəsi Milli Məclisdə səsə qoyulub. “Azərbaycan Ədliyyəsinin 100 illiyi (1918-2018)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi millət vəkilləri tərəfindən qəbul edilib.
Vasif Həsənli
Ölkə.Az
