Ramiz Mehdiyev Fuad Muradovu kollektivə təqdim etdi
Diasporla İş üzrə Dövlət Komitəsinə sədr təyin olunmuş Fuad Muradovun komitənin kollektivi ilə tanışlıq görüşü başlayıb.
“Ölkə.Az” bildirir ki, komitə binasında keçirilən toplantıda yeni sədri kollektivə Prezident Administrasiyasının rəhbəri Ramiz Mehdiyev təqdim edib.
Görüşdə R. Mehdiyev F. Muradova yeni işində uğurlar arzulayıb.
Qeyd edək ki, aprelin 23-də Prezident İlham Əliyevin imzaladığı sərəncama əsasən, Fuad Muradov Diasporla İş üzrə Dövlət Komitəsinin sədri vəzifəsinə təyin edilib.
Xatırladaq ki, F.Muradov bu təyinatadək Milli Məclisin Gənclər və idman komitəsinin sədri vəzifəsində işləyib. Bundan əvvəl Diasporla İş üzrə Dövlət Komitəsinin sədri Nazim İbrahimov idi.
