İndoneziyada biabırçılıq

“Ölkə.Az” xəbər verir ki, 15 yaşlı oğlan 14 yaşlı qızla evlənmək üçün qanunlar icazə vermədiyi üçün dini rituala baş vurub. Qanunlara rəğmən dini nikaha girən iki uşaq mətbuata müsahibə verib. 14 yaşlı gəlin “Bizim toyumuz tale işidir” deyib.

İndoneziya prezidenti Joko Vidodo bir müddət əvvəl belə evlilikləri qadağan etmişdi. İki uşaq isə evlənmək üçün yerli dini qurumlar idarəsinə müraciət edib. İndoneziyada evlənmək üçün yaş həddi kişilərdə 19, qadınlarda isə 16-dır.

1974-cü ildə qəbul edilən qanunda isə boşluq var. Sözügedən ildə qəbul edilən qanuna əsasən, dini öhdəlikləri yerinə yetirən və dini qurumlardan icazə alan cütlüklərin nikahı məqbul sayılır. Dolayısıyla, evlənmək üçün yaşa məhdudiyyət qoyulsa da, bu yaşa çatmayanlar dini yolla nikaha girə bilir.
Prezident isə qadınlara yaş məhdudiyyətinin 20-ə qədər artırılacağına söz verib.

Hikmət Həsənov
Ölkə.Az