Bazarda sahibkarın 35 kisə kartofu oğurlanıb
Hadisə Nizami rayonu, Naxçıvanski küçəsində yerləşən kolxoz bazarında qeydə alınıb.
“Ölkə.Az”ın xəbərinə görə, kənd təsərrüfatı mallarının topdansatışı ilə məşğul olan Nazim Əliyev səhər işə gələn zaman özünə məxsus yük avtomobilində bir kisə də kartof qalmadığını görüb.
Dərhal ərazi üzrə 24 polis bölməsinə müraciət edən sahibkar ərizəsində bildirib ki, “1 gün qabaq rayonlardan gətirilən ticarətçilərdən 43 kisə kartof alıb və həmin gün malın 8 kisəsini satıb. Qalan malı isə həmişəki qaydada yük avtomobilində saxlayıb. Ancaq səhərisi gün maşından kartoflar oğurlayıblar”.
Faktla bağlı Nizami RPİ-nin 24-cü Polis Bölməsində təhqiqat araşdırmalarına başlanılıb.
