“Bu, olduqca emosional yarış idi”
"Ölkə.Az" Modern.az-a istinadla xəbər verir ki, bu sözləri "Formula 1" üzrə Azərbaycan Qran Prisinin qalibi "Mercedes" klubunun pilotu Luis Hemilton qələbəsi barədə ilk təəssüratı bölüşərkən deyib.
O həmçinin qeyd edib ki, bəxti gətirdiyi üçün finiş xəttini birinci keçib.
"Özümü bir qədər qəribə hiss edirəm. Amma bu nəticəni qəbul edirəm. Bu gün bir saniyə də olsun, təslim olmadım. Davamlı hücum edirdim. Lakin yarışı ideal keçirmədim", - deyə Hemilton sözlərinə əlavə edib.
II pilləyə yüksələn "Ferrari"nin pilotu Kimi Raykonen startın onun üçün ideal olmadığını söyləyib: "Bundan sonra yarış olduqca çətin keçdi. Bu, heç də asan deyildi".
Bakıda keçirilən Qran Prilərdə iki dəfə podium qazanan ilk pilot "Force India"nın yarışmaçısı Serxio Perez isə danışmağa sözünün olmadığını söyləyib.
Ölkə.Az
