Aleksandr Popov: Bakı şəhər halqası özünəməxsusluğu ilə seçilir
Formula 1 üzrə dünya çempionatının təqvimində üç şəhər trası yer alıb ki, onların arasında Bakı şəhər halqası özünəməxsusluğu ilə seçilir. Həmişə yüksək təşkilatçılıq bacarığı ilə seçilən Azərbaycan Formula 1 Qran-Prisinə də müvəffəqiyyətlə ev sahibliyi edir.
"Ölkə.Az" Azərtac-a istinadən xəbər verir ki, bu sözləri jurnalistlərə müsahibəsində məşhur Formula 1 şərhçisi Aleksandr Popov deyib.
Ölkəmizə dördüncü dəfə səfər etdiyini bildirən rusiyalı qonaq Azərbaycan Qran-Prisinin təşkilatçısı “Bakı Şəhər Halqası” Əməliyyat Şirkəti tərəfindən ötən ilin sonunda yerli jurnalistlər üçün seminara dəvət olunduğunu vurğulayaraq deyib: “Azərbaycan Qran-Prisinə kifayət qədər rusiyalı azarkeş gəlib. Digər ölkələrdə olduğu kimi, Rusiyada da Azərbaycan Qran-Prisi çox məşhurdur. Şəxsən mənim üçün Bakı mərhələsi, Soçidəki yarış qədər doğmadır. Ötənilki Azərbaycan Qran-Prisi möhtəşəmliyi ilə yadda qaldı. Ümid edirəm ki, builki yarış da həyəcanı ilə xatirələrdə qalacaq”.
Ölkə.Az
