“National Geographic Azərbaycan” jurnalının yanvar sayı artıq satışda

Cəmi 4 manata dünyaca məşhur dərgini əldə edə bilərsiniz.

“National Geographic Azərbaycan” jurnalının yeni, 2015-ci ildə ilk sayı işıq üzü görüb.

Dərgimizin sayca beşinci nömrəsində Şimali Amerika sakinlərinin əcdadı, dünya üzrə tapılmış ilk incəsənət nümunələri, Gürcüstanın qədim adət-ənənələrini qoruyub yaşadan Svaneti vilayəti, müxtəlif xalqların qida rasionu, həmçinin ABŞ-ın simvolu kimi tanıdığımız ağbaş qartallar barədə ətraflı məlumat əldə edə bilərsiniz.

Həmçinin “Tədqiqat” rubrikasında artıq ənənə halını almış “yerli məqalələr” silsiləsində bu dəfə Azərbaycanın paytaxtı Bakı şəhərində fəaliyyət göstərən Miniatür Kitab Muzeyi barədə oxuya bilərsiniz.

Peşəkar fotoqrafların jurnalı bəzəyən fotoşəkilləri, hər zaman olduğu kimi, məqalələrdən zövq almaqda sizə yardımçı olacaq.

Xatırladaq ki, dünyaca məşhur “National Geographic” brendi Azərbaycana 2014-cü ilin mart ayında “Garant Media Holding”in təşəbbüsü ilə gətirildi və “National Geographic Azərbaycan” jurnalı ilk buraxılışını sentyabrın 1-də Heydər Əliyev Mərkəzində təntənəli şəkildə təqdim etdikdən sonra dərgi ölkənin bütün satış nöqtələrinə çıxarıldı.

Jurnalı istənilən satış nöqtəsindən ala bilməklə yanaşı, ona həm də abunə olmaq mümkündür.

Dərginin satış qiyməti 4 manat təşkil edir. Bu qiymətə Azərbaycanın istənilən nöqtəsinə çatdırılma da daxildir.

Həmçinin 46 manat ödəməklə hədiyyə kartını əldə edərək jurnala birillik abunə ola bilərsiniz.

Hədiyyə kartlarımızı ofisimizdə və “Nil” mağazalarından əldə etmək mümkündür.  

Jurnala 012 563 56 25 (daxili nömrə 302) telefon nömrəsi ilə zəng edib abunə yazılmaq olar.

Ölkə.Az