Birinci sinif şagirdini döyən müəllim işdən çıxarıldı

"Ölkə.Az" xəbər verir ki, bu barədə şagirdin valideyni Xanım Əliyeva sosial şəbəkədə məlumat yayıb. O, məsələyə vaxtında reaksiya verildiyi üçün Təhsil Nazirliyinə və aidiyyatı şəxslərə minnətdarlığını bildirib.

Bakı Şəhər Təhsil İdarəsinin mətbuat xidmətinin rəhbəri Bəşarət Məmmədov isə AzVision.az-a bildirib ki, sözügedən məsələ ilə bağlı hazırda araşdırma aparılır. 

“Araşdırma bu gün bitəcək və nəticələri barədə bir azdan rəsmi açıqlama veriləcək”.

Qeyd edək ki, valideyn qələmin mürəkkəbini partanın üzərinə tökdüyü üçün qızının müəllim tərəfindən döyüldüyünü bildirmişdi. Bu məsələ sosial şəbəkələrdə geniş rezonans doğurmuşdu.