“Bakı”da daha bir ayrılıq

Bakı” müdafiəçisi Elvin Əliyevlə yollarını ayırıb.

Milli komandamızın sabiq üzvü artıq özünə yeni komanda tapıb.

30 yaşlı futbolçu mövsümün qalan hissəsini çox güman ki, “Rəvan”da keçirəcək. Əliyev hazırda məhz “Rəvan”ın düşərgəsindədi. Futbolçu əməkdaşımızla söhbətində hələ müqavilə imzalamadığını deyib: “Düzdü, “Bakı” ilə mövsümün sonuna qədər müqaviləm var. Amma İbrahim Uzunca orda olduğu müddətdə bu komandaya qayıtmaram. “Rəvan”ın hazırlığında iştirak edirəm. Əgər Premyer Liqadan özümə komanda tapa bilməsəm, yəqin ki, mövsümün qalan hissəsini elə burda keçirəcəm”.

Qeyd edək ki, Elvin Əliyev bu mövsüm “Bakı”nın heyətində cəmi 1 oyun keçirib. Onun atası Füzuli Əliyev hazırda “Rəvan”ın icraçı direktorudu.(Apasport.az)

Ölkə.Az