Gürcüstana səfər edən azərbaycanlıların sayı artıb
2018-ci ilin aprel ayında Gürcüstana səfər edən Azərbaycan vətəndaşlarının sayı ötən ilin müvafiq dövrü ilə müqayisədə 10,4 faiz artıb.
"Ölkə.Az"ın Trend-ə istinadən məlumatına görə, bu barədə Gürcüstan Milli Turizm İdarəsinin rəhbəri Georgi Çoqovadze deyib.
Onun sözlərinə görə, Gürcüstana aprel ayında, ümumilikdə, 596,7 min əcnəbi səfər edib ki, bu da ötən ilkindən 16,8 faiz artıqdır.
Azərbaycanlılardan başqa, ötən ay bu ölkəyə Rusiya (43,4 faiz çox), Türkiyə (29,2 faiz çox), İran (iki dəfə artıq), Fransa (24,7 faiz çox) və digər ölkələrdən də səfərlər artıb.
2018-ci ilin dörd ayı ərzində Gürcüstana 2,06 milyon adam, o cümlədən 937,3 min turist gəlib. Bu göstəricilər üzrə artım müvafiq olaraq 15,9% və 27,2% olub.
Ölkə.Az
