Millət vəkili: “Bayrağı gətirib “Sobsan”ın üzərinə qoyub niyə satırsan?”
“Bu gün efirlərdə bəzi məhsulların reklamında milli atributlarımız, daha şairlərimizdən istifadə edilir”.
“Ölkə.Az” xəbər verir ki, bu sözləri millət vəkili Zahid Oruc Milli Məclisin plenar iclasında çıxışı zamanı deyib.
Millət vəkili bunun doğru hal olmadığını bildirib:
“Bir boyanı reklam edirlər. Burada Nizami Gəncəvidən, bayraqdan başlayırlar. İndi Nizami Gəncəvinin adını bir boyanın reklamına gətirib çıxarmaq nə dərəcədə düzgündür? Söhbət Sobsan boyalarından gedirmiş. Bayrağı gətirib “Sobsan”ın üzərinə qoyub niyə satırsan ki? Bir azdan şəhidlərimizin adını da belə reklamlarda çəksələr təəccüblənmərik”.
Vasif Həsənli
Ölkə.Az
