"Charlie Hebdo"ya hücum edən qardaşlar haradadır?

Şübhəlilərin olduğu avtomobil Parisə tərəf hərəkət edirmiş.

Ölkə.Az Fransanın "BFMTV" telekanalına istinadən xəbər verir ki "Charlie Hebdo" jurnalının redaksiyasına hücum edən qardaşlar qumbaraatanla birlikdə Fransanın şimalındakı magistralla hərəkət edirlər.

Telekanaldan bildiriblər ki, jurnala hücum etməkdə şübhəli bilinən əsas şəxslər - Səid və Şərif Xuaşı Kalaşnikov markalı avtomat və qumbaraatanla birlikdə bağlı nömrəli avtomobillə Fransanın şimalında yerləşən Ena departamentinin magistral xətti üzrə hərəkət edirlər. Polislər onların tezliklə saxlanılması üçün lazımi tədbirlər həyata keçirir. Şahidlərin sözlərinə görə, iki nəfər şəxs ağ rəngli və bağlı nömrəli "Renault Clio" markalı avtomobildə olublar. Bununla yanaşı, arxa oturacaqlarda Kalaşnikov avtomatı və qumbaraatan aydın şəkildə görünüb.

Yerli jurnalistlər qeyd edir ki, şübhəlilərin olduğu avtomobil Parisə tərəf hərəkət edirmiş. Hazırda RN2 şossesi bağlanıb.

Rəşid Mustafazadə

Ölkə.Az