Rusiya ilin sonuna qədər Türkiyə vətəndaşları üçün viza rejimini ləğv edə bilər
Ankara cari ilin sonuna qədər Rusiya ilə viza rejiminin ləğv ediləcəyini və ya yüngülləşdiriləcəyini gözləyir.
“Ölkə.Az” "Ria Novosti"yə istinadən xəbər verir ki, bu sözləri Türkiyənin xarici işlər naziri Mövlud Çavuşoğlu "CNN Turk" telekanalına müsahibəsində deyib.
"Düşünürəm ki, Rusiya ilə viza rejimi, qismən olsa belə, ləğv ediləcək. Ola bilsin ki, ilin sonunadək iki ölkə prezidenti telefon söhbəti zamanı və ya ilk görüşdəcə deyəcəklər: "Gəlin nəhayət ki, vizanı ləğv edək", - deyə Çavuşoğlu bildirib.
Qeyd edək ki, Rusiya Türkiyə vətəndaşları üçün viza rejimini 2015-ci ilin noyabrında iki ölkə arasında münasibətlər soyuduqdan sonra tətbiq etmişdi.
Ölkə.Az
