Şimali Koreyanın müharibə planı hazırdır

KXDR Cənuba qarşı nüvə müharibəsinin planını tərtib edib.

Ölkə.Az Cənubi Koreyanın "Korea JoongAng Daily" qəzetinə istinadən xəbər verir ki, Şimali Koreya hökuməti 1 həftədən az müddətə Cənubi Koreyaya daxil olma planını hazırlayıb. Cənubi Koreyanın müqavimət göstərəcəyi və ABŞ ordusunun qarşılıq verəcəyi halda isə Şimali Koreya yarımadanın cənub hissəsini 15 günə işğal etməyə hazırdır.

Planda KXDR-in asimetrik imkanlarının, o cümlədən nüvə silahının tətbiq olunması nəzərdə tutulub. Adi silah, artilleriya, tank və təyyarələrdəndən əlavə döyüşlərdə xüsusi əməliyyatların gücünün istifadə olunması da gözlənilir. Bu şöbələrin tərkibi 80 mindən 200 min əsgərə qədər artırılıb. Müharibənin yeni planı isə ABŞ-ın İraq və Əfqanistandakı hərbi əməliyyatlarının analizinə əsaslanıb.

Hərbi əməliyyatların layihəsi hələ 2012-ci ildə Kim Çen Inın hakimiyyətə gəlməsindən sonra tərtib olunmuşdu. Şimali Koreya hökuməti müharibəyə hazırlığı əvvəlcə 2013, sonra isə 2014-cü ilə yekunlaşdırmaq fikrində idi. 2012-cü il isə "Birləşmə uğrunda böyük müharibə ili" elan olunmuşdu. 2013-cü ilin fevralında KXDR nüvə başlığının üçüncü sınağını həyata keçirmişdi.

Rəşid Mustafazadə

Ölkə.Az