Rusiyalı ekspert: "Fransada teraktı ABŞ və İsrail təşkil edib"

Rusiyalı ekspertdən "Charlie Hebdo" açıqlaması.

Ölkə.Az-ın IslamNews agentliyinə istinadən verdiyi xəbərə görə, Geopolitiji problemlər akademiyasının prezidenti, "Rus xalqının ittifaqı" təşkilatının başçısı, tanınmış ekspert Leonid İvaşov ABŞ və İsraili Parisdə "Charlie Hebdo" jurnalının redaksiyasına edilən hücumun əsas təşkilatçıları adlandırıb. Tanınmış analitikin fikrincə, məlum hadisələrin arxasında həqiqi müsəlmanlar yox, tamam başqa qüvvələr dayanır.

"Biz bu gün sivilizasiyalar müharibəsinin şahidiyik. Amerikadan Yaxın Şərqə və Şimali Afrikaya hərəkət edənlər məhz islam sivilizasiyasının dağıdılmasına cəhddir (eynilə Ukraynada pravoslav-slavyan sivilizasiyasının dağıdılması kimi). Gördüklərimiz heç də əsl müsəlmanların yox, şəxsi mənafeyi uğrunda hər şeyə hazır, müəyyən qüvvələr tərəfindən beyinləri "yeyilmiş" fanatiklərin islama qarşı müharibəsidir", - deyə İvaşov bildirib.

Rusiyalı ekspert təşkilatçıları bu addımı atmağa təhrik edən səbəblərdən də söz açıb:

"Əlbəttə, islam bu teraktın arxasında dayanmır. Çox güman ki, bu əməliyyat islam mədəniyyətini, islam ənənəsini dağıtmaq və islamı avropalılara qarşı qoymaq üçün ABŞ-da planlaşdırılıb. Lakin baş verənlərə həm də İsrailin xüsusi xidmət orqanlarının da aidiyyəti var. Gördüyümüz kimi, bu gün Avropa müxtəlif səbəblərdən İsrailə qarşı yönəlib, həmçinin ona görə ki, israillilərin ABŞ-dan olan müttəfiqləri ilə birgə Yaxın Şərqdə etdikləri Avropaya çoxlu sayda qaçqının üz tutmasına səbəb olur. Buna görə də Avropa həm ABŞ, həm İsraildən narazıdır və buna qarşılıq olaraq Fələstini müstəqil dövlət kimi tanıdıqları üçün ABŞ və İsrail tərəfindən narazılıq zərbələri alır", - deyə ekspert əlavə edib.

Rəşid Mustafazadə

Ölkə.Az