Putin inauqurasiyaya yeni limuzinlə gedib

“Ölkə.Az” xəbər verir ki, tədbirdə vahid modul platformasında yığılan ilk limuzinin təqdimatı da baş tutub.

“Kortej” limuzini rus istehsalıdır və eyniadlı layihə çərçivəsində istehsal edilib. Avtomobil zirehlidir. Limuzin “В 776 УС 77” dövlət nömrə nişanlıdır. Ehtimal edilir ki, bu nömrə əvvəllər “Volqa QAZ-3110” markalı avtomobilin üstündə olub.

Yeni istehsal edilən “Kortej”lər isə prezident və ətrafı üçün nəzərdə tutulub.  Zirehli və adi limuzinlər, sedan və yolsuzluq avtomobilləri, mikro avtobuslar 2019-2020-ci illərdə satışa çıxacaq.

Prezident limuzini isə 12 silindrli, benzinlə çalışan ikiqat turbo gücləndiricili sistemi olan mühərrikdir. Mühərrik 6.6 litr həcmlidir və 856 at gücü hasil edir. Aqreqat 9 pilləli avtomatik sürətlər qutusu ilə təchiz edilib. Transmissiya hibriddir. Tam ötürücülüdür.

Hikmət Həsənov
Ölkə.Az