Yaponiya ilə İsrail arasında “şokolad” böhranı
Yaponiyanın baş naziri Şinzo Abe və xanımı Akie İsrailə rəsmi səfərləri çərçivəsində İsrailin baş naziri Benyamin Netanyahunun evində axşam yeməyinə qonaq olublar.
“Ölkə.Az” xəbər verir ki, Netanyahunun Qüdsdəki evində verilən ziyafətdə məşhur rus aşpazı Segev Moşenin Abe cütlüyünə metaldan hazırlanmış ayaqqabı içində şokolad servis etməsi Yaponiyanın baş nazirinin narahatlığına səbəb olub.
Adı açıqlanmayan yaponiyalı diplomatın İsrail mətbuatına verdiyi açıqlamada aşpazın o gecə məqsədinə çata bilmədiyi vurğulanıb.
“Dünyanın heç bir yerində ayaqqabının stolun üstünə qoyulması kimi mədəniyyət yoxdur. Aşpazın burada nə demək istədiyini başa düşmürük. Əgər bu zarafatdırsa, bu heç də gülməli deyil”, - deyə diplomat qeyd edib.
Ölkə.Az
