Rusiyalı ekspert: “Ermənistanda siyasi böhran davam edəcək”
“Ermənistanda Nikol Paşinyanın prezident seçilməsi daxili siyasi böhranın başa çatmasına səbəb olmayacaq”.
Ölkə.Az” xəbər verir ki, bunu rusiyalı ekspert Aleksey Martınov bildirib. Martınov qeyd edib ki, bu hələ başlanğıcdır.
“Düşünürəm ki, bu böhranın sonu yox, başlanğıcıdır. Çünki hakimiyyət dəyişikliyi və Paşinyanın hakimiyyətə gəlməsi şübhəlidir. Bu, erməni cəmiyyətinin Sarkisyan familiyasından yorulması fonunda baş verdi. Böhran davam edəcək. Parlament buraxılacaq. Çünki Paşinyan dəfələrlə yeni parlament seçkilərinin keçirilməsinin vacibliyindən danışıb. Daxili siyasi böhranın növbəti mərhələsi parlament böhranıdır”, - deyə ekspert bildirib.
Martınovun fikrinə görə, Paşinyanın dövlət idarəçiliyində təcrübəsi yoxdur. O, sadəcə keçid dövrünün baş naziri ola bilər.
Hikmət Həsənov
Ölkə.Az
