39 yaşlı kişi evinin qarşısında bıçaqlandı
Xətai rayonu, Məhəmməd Hadi küçəsi, ev 1-in qarşısında bıçaqlanma faktı qeydə alınıb.
“Ölkə.Az”ın xəbərinə görə, 1979-ci il təvəllüdlü Elmar Qasımov yaşadığı binanın qarşısında naməlum şəxs tərəfindən bıçaqlanıb. Yaralı təcili olaraq 3 saylı şəhər xəstəxansına çatdırılıb, vəziyyəti orta-ağırdır. Xəstəxanaya gələn polis əməkdaşları zərərçəkənin ifadəsini alıblar. Onun sözlərinə görə, mübahisə avtomobilə yol vermək üstündə düşüb:
“İşdən evə gəlirdim, məhləyə dönəndə yol mənim ola-ola tanımadığım avtomobil imkan vermədi ki sürüm. Avtomobili saxlayıb nə üçün belə etdiyini soruşanda bıçağı çıxardıb məni vurdu. Deyəsən içkili idi. Nömrələrini götürmüşəm”.
Hazırda 36-cı polis bölməsinin əməkdaşları tərəfindən E. Qasımovu bıçaqlayan şəxsin müəyyən edilərək saxlanılması istiqamətində əməliyyat-axtarış tədbirləri davam etdirilir.
