İranın bəyanatı: “Beynəlxalq ictimaiyyətin səssizliyi İsraili daha da cəsarətləndirir”
İranın xarici işlər nazirliyinin mətbuat katibi Bəhram Qasımi İsrailin Suriya torpaqlarındakı hədəfləri vurmasından sonra beynəlxalq cəmiyyətin münasibətinə reaksiya verib.
“Ölkə.Az” xəbər verir ki, Dəməşqin özünümüdafiə haqqının olduğunu bildirən Qasımi “Beynəlxalq ictimaiyyətin səssizliyi İsraili daha da cəsarətləndirir” söyləyib.
XİN rəsmisi beynəlxalq ictimaiyyəti səssiz qalmaqda ittiham edib:
“İran İsrailin Suriyaya hücumlarını şiddətlə qınayır. Beynəlxalq ictimaiyyətin sükutu İsrailin hücum niyyətini daha da cəsarətləndirir. Suriya özünü müdafiə etmək üçün istənilən hüquqa sahibdir”.
Hikmət Həsənov
Ölkə.Az
