Binəqədidə iş qurmaq adı ilə 30 min manatlıq dələduzluq
Binəqədi Rayon Polis İdarəsinə iş qurmaq adı ilə aldanan iş adamı şikayət edib.
“Ölkə.Az”ın xəbərinə görə, Orxan Mehrəliyev şikayət ərizəsində göstərib ki, ötən il Xətai adlı şəxsə biznes fəaliyyətini inkişaf etdirmək üçün 30 min manat pul verib. Ancaq Xətai nəinki iş görüb, hətta Mehrəliyevin ona verdiyi pulu danıb. Belə ki, şikayətçinin ərizəsindən sonra polis əməkdaşları Xətai adlə şəxsi çağıraraq izahatını alıblar. O, izahatında Mehrəliyevlə hər hansı biznesinin olmadığını, həmçinin ondan pul götürmədiyini qeyd edib.
Faktla bağlı Binəqədi RPİ-nin İstintaq Şöbəsində araşdırmalara başlanılıb.
