Polis külli miqdarda narkotik müsadirə edib
Daxili İşlər Nazirliyinin mətbuat xidmətinin Gəncə regional qrupundan "Ölkə.Az"a bildiriblər ki, Gəncə Şəhər Baş Polis İdarəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən şəhər sakini İlkin Orucov saxlanılıb. Əvvəllər məhkum olunmuş İlkin Orucov saxlanılarkən onun üzərindən 2304 qram narkotik vasitə olan heroin aşkarlanaraq götürülüb.
Əməliyyat tədbirlərinin davamı olaraq onun yaşadığı mənzilə baxış keçirilib və oradan güclü psixoloji təsirə malik 105 ədəd 50 milliqramlıq “Tramadol” həbləri, 10 ədəd 200 milliqramlıq “Tramadol” həbləri və 7 ədəd 300 milliqramlıq “Lirika” psixotrop həbləri aşkarlanıb. Faktla bağlı Cinayət Məcəlləsinin müvafiq maddələri ilə cinayət işi başlanılıb, istintaq davam etdirilir.
