İranlı qaçqını azərbaycanlı “vəkil” niyə aldatdı

 “Ölkə.Az”ın xəbərinə görə, özünü “Fateh ” Hüquq Şirkətinin vəkili kimi təqdim edən, cinayət məcəlləsinin 178.2.4-cü maddəsi ilə təqsirləndirilən Şirinov Nəsimi Şirin oğlunun məhkəməsinin hazırlıq iclası may ayının 16-da hakim Babək Pənahovun sədrliyi ilə keçiriləcək. 

İttiham aktına görə, özünü vəkil kimi təqdim, faktiki vəkillik statusu olmayan Nəsimi Şirinov 25 ilə yaxın Azərbaycanda qaçqın statusu ilə yaşayan, əslən Güney Azərbaycandan olan Əqili Cavad Müslüm oğlunu aldadıb. Belə ki, uzun illər Azərbaycanda usta işləyən Cavad Əqili həbsdə olan oğlunun azad olunması üçün Nəsimi Şirinova xeyli miqdarda pul verib. Ancaq N. Şirinov heç bir iş görməyib və aldığı pulu geri qaytarmadığına görə, iranlı qaçqın Nəsimi RPİ-nə şikayət etməyə məcbur olub.