Britaniya əks-kəşfiyyatı: Avropada terror təhlükəsi ən yüksək həddə çatıb

Britaniyanın əks-kəşfiyyat idarəsi Mi-5 sensasion bəyanatla çıxış edib.

Ölkə.az ingilis mediasına istinadən xəbər verir ki, Mi-5 rəhbəri Endryu Parker Avropanın çox ciddi bir terror təhlükəsi ilə üz-üzə olduğunu bildirib.

"Radikal qrupların qitənin müxtəlif nöqtələrində terror aktları planlaşdırması istisna edilmir. Fransadakı hadisələr onu göstərdi ki, Avropa beynəlxalq terrorizmin hədəfindədir. Əl-Qaidənin Suriya özəyindən olan terrorçular tərəfindən Avropanın müxtəlif ölkələrində qanlı terror aktları planlaşdırıldığı haqda əlimizdə kəşfiyyat məlumatları var", deyə Endryu Parker vurğulayıb.

Xatırladırıq ki, Fransada bir-birinin ardınca baş verən terror hücumlarından sonra bütün Avropa ölkələri həyəcan siqnalı çalmağa başlayıblar. Birliyin ərazisindəki mühüm əhəmiyyətli obyektlərdə təhlükəsizlik tədbirləri ən yüksək həddə çatdırılıb.

Ölkə.az