Azad seks "mücahidi" - Ümbülnisə

Әtrafındakı oğlanlar da sevir azad seks carçısı Ulyanı.

Kәnddәn oxumaq adıyla Bakıya gәlәn bir qız - Ümbülnisә. Gәlir vә bir neçә ay normal günlәr keçirir, dәrslәrini oxuyur. Hәm dә elә mühitdә dәrs oxuyur ki, bu mühit onu inkişaf etdirir, ona dünyagörüşü verir, Avropa mәdәniyyәtini, Avropa düşüncәsini bәxş edir. Hәmin bu Ümbülnisә bir xeyli bu mühitdә fırlanır, özünә yeni dostlar və bu dostların yeni vərdişlərini qazanır və hər nə qədər kənardan gülünc görünsə də, özünü onlara oxşatmağa çalışır.

Bu dostların sayәsindә anlayır ki, әslindә dinә inanmaq lazım deyil, әn yaxşısı dinsizlikdir, hәr şeyi boş vermәk, hәr şeyә etiraz etmәk, havalar soyuyanda tez-tez oğlanları da başına yığıb xәngәl yemәyә getmәk, axşamlar "kruquyla" birgә içmәk, siqaret çәkmәk, retro mahnılara qulaq asmaq vә әn әsası özünә bir hәmdәm, dәrdini anlayacaq vә onu dünyalar qәdәr sevәcәk bir sevgili lazımdır. Mühitdən kənarlaşdırılma qorxusu və "kruqum kimi olmalıyam" düşüncəsi və hәdsiz sevgili tapmaq istәyi sayәsindә arzuladığı kimi vәfalı sevgili dә tapır bizim Ümbülnisә. Bir müddәt heç kimә fikir vermәdәn doya-doya, yorulub əldən düşənə və boyun-boğazlarında dişlək izləri qanayana kimi sevişirlәr, küçәdә heç kimә mәhәl qoymadan öpüşürlәr, oğlan Ümbülnisәyә şirin pambıq söz verib evinә aparır, "Nude art" seriyasında foto vә video çәkilişlәr edirlәr, tez-tez tәklikdә içmәyә vә siqaret çәkmәyә, elәcә dә dәrd çәkmәyә gedirlәr.

Vә belәcә aylar keçir. Ümbülnisә artıq kәnddәn qoyun-quzu otarmaqdan, atasına çay gәtirmәkdәn, anasıyla birgә meyvә-tәrәvәz әkmәkdәn qaçıb gәldiyini unudub yerli-dibli vә ailәsiz, tәk-tәnha bakılı qız olan Ulyaya çevrilir, vaxtından әvvәl qaşlarını yolur, makiyajsız gәzib gözәl göründüyünü, әslindә camaatın buna baxanda "Aman Allam" dediyini heç vecinә dә almır. Niyә dә alsın ki?!

O artıq azad seks carçısıdır, o artıq postpodernist әdәbiyyat oxuyan, inqilabi ruhda yazılan kitabları vәrәqlәmәyi sevәn vә dövlәtә, hakimiyyәtә, polislәrә, qanunlara etiraz edib öz haqqını tәlәb etmәyi bacaran yetkin bir qızdır.

O artıq sevgilisindәn dә ayrılıb vә tez bir zamanda başqasını da әlinә alıb. Әtrafındakı oğlanlar da sevir azad seks carçısı Ulyanı. Hәr gün birinin yatağında oyanan Ulyamız artıq özünә yeni "kruq" da yığa bilib vә hәtta "Necә cool olmaq lazımdır?" adlı modern bir kitabın da müәllifidir. Hәm dә üzәrindә özünün lüt şәkli olan bir kitabın. Ailәsi dә hәr ayın sonunda әsgәr atasının oğluna siqaret pulu göndәrdiyi kimi qızına kirayә pulu vә cib xәrcliyi göndәrir...

P.S. Yazıdakılar təxəyyül məhsulu olub heç kəsin şəxsi həyatına və işlərinə istinad etmir.