Politoloq: "Bu terrorun Fransada baş verməsi müsəlmanlara böyük zərər yetirəcək"
Bir neçə gün bundan əvvəl Fransanın "Charlie Hebdo" satirik jurnalının Parisdə yerləşən redaksiyasında baş verən terror hadisəsindən sonra dünyanın bütün diqqəti bu hadisəyə yönəlib.
Rusiya politoloqları və şərhçiləriə bu hadisəyə görə, Amerika və İsraili günahlandırdılar. Bu məsələ ilə bağlı biz də yerli politoloqlardan birinin fikrini öyrəndik.
Ölkə.az-a dünyaya səs salan terror hadisəsini politoloq Razi Nurullayev şərh etdi.
Onun sözlərinə görə, bu terror 11 sentyabr hadisələri geosiyasi prossesləri necə dəyişmişdisə, indi də eyni dəyişikliklərə səbəb olacaq.
"Fransada baş verən terror hadisəsidir və bunu təmsil etdiyim qurumlar adından pisləyirəm. Bu terrorun Fransada baş verməsi müsəlmanlar üçün çox böyük zərərlə nəticələnək.
Fransa Avropada müsəlmanların yaşadığı ən böyük ölkədir. Fransa ilə bu dildə danışmaq və müsəlmanları da bu vəziyyətdə qoymaq təbii ki, müsəlman dünyasını da çox ciddi təpkidə qoydu.
Mən bu terror hadisəsini 11 sentyabr hadisələrindən sonra ən böyük terror aktı kimi qəbul edirəm. 11 sentyabr hadisələri dünyanın düzənini necə dəyişmişdisə, bu hadisə də yenidən dünyanın düzənini o səviyyədə dəyişəcək.
O ki, qaldı bu terror hadisəsində Rusiyanın Amerikanı günahkar görməsinə, hazırda bu iki ölkə demək olar ki, soyuq müharibə şəraitindədir. ABŞ-ın Rusiyaya tətbiq etdiyi sanksiyalar Putini çətin duruma salıb. Bunun üçün də Putin bütün çətinliklərin arxasında günahkar Barak Obamanı görür".
Qeyd edək ki, "Charlie Hebdo" jurnalı "twitter" hesabında sonuncu dəfə İŞİD lideri Əbu Bəkr əl-Bağdadinin karikaturasını yayılmışdı.
Fatimə İbrahimova
Ölkə.az
