Ramazanda siqareti tərgitmək istəyənlərə MƏSLƏHƏT
“Ölkə.Az” Ramazan ayında siqaretdən uzaq qalmaq istəyən oruc tutanlara 3 faydalı məsləhətini təqdim edir. Bu məsləhətlərə əməl etmək kifayət qədər asandır.
Bol su için
Ramazan ayında çoxlu su içməklə siqaretin yaratdığı vərdişdən qurtulmaq mümkündür. Mütəxəssislər bildirirlər ki, iftardan sonra siqaret daha çox çəkilir. Bu səbəbdən iftardan sonra bol su içmək siqaret istəyinin qarşısını ala bilər.
Nanə
Ramazan ayında siqaret çəkmək istəmirsinizsə, nanə qəbul edin. Nanə nikotin vərdişini azalda bilər və siqaret çəkmə arzusunu azaldır.
Proteinli qida
Siqaret çəkməyəndə sinirləriniz gərilisə, sahurda tərkibində proteinin bol olduğu qidalara üstünlük verin. Məsələn, pendir, süd və yumurta kimi qidaların tərkibində proteinin miqdarı boldur.
Hikmət Həsənov
Ölkə.Az
