Siyavuş Novruzov: “Ölkəmizin maraqlarını bütün çərçivələrdə müdafiə etməliyik”
Ölk.Az xəbər verir ki, bu sözləri millət vəkili Siyavuş Novruzov Milli Məclisin plenar iclasında çıxışı zamanı deyib.
Millət vəkili bildirib ki, AŞPA-da atılan addımlar Azərbaycana, ölkəmizin iqtisadi inkişafına qarşı atılan addımdır.
“Azərbaycanı gözü götüməyənlər ölkəmiz haqqında mənfi imic formalaşdırmaq istəyirlər. Beynəlxalq təşkilatlarda fəaliyyət göstərən nümayəndə heyətlərimiz üzvləri birgə, planlı şəkildə fəaliyyət göstərməlidirlər. Bundan sonrakı fəaliyyətimizdə işimizi elə qurmalıyıq ki, bundan sonra ölkəmizə qarşı belə cəhdlərin qarşısı alınsın. Hər bir insan öz ölkəsinin maraqlarını müdafiə etmək istəyir. Olmayanı ölkəmizin üzərinə yazmaq böhtandır. Biz bu istiqamətdə işimizi davam etdirməli, ölkəmizin maraqlarını bütün çərçivələrdə müdafiə etməliyik”.
Vasif Həsənli
Ölkə.Az
