Alpinistlər itkin düşdükləri yerdə yad ediləcək
“Everest” idman klubunun təşkilatçılığı ilə dağçılardan ibarət 15 nəfər ekspedisiyaya yola düşəcək.
"Ölkə.Az" Real TV-yə istinadən xəbər verir ki, bu barədə klubun ictimaiyyətlə əlaqələr üzrə icraçı Emin Mirzəyev məlumat verib.
O bildirib ki, ekspedisiya zamanı Qubada həyatlarını itirən 3 alpinistin – Fəridə Cəbrayılzadə, Babur Hüseynov və Namin Bünyatzadənin ruhu Şah yaylağında Mahmud dərədə yad ediləcək.
Sabah isə hava şəraitinə uyğun olaraq Cümhuriyyətin 100 illiyi ilə əlaqədar zirvəyə yürüş nəzərdə tutulub.
“Everest” idman klubunun Baş direktorunun müavini Turan Əhmədov ekspedisiyaya rəhbərliyi edir.
