“Məni təhqir edənlər Allah qarşısında cavab verəcək”
Milli Məclisin Əmək və Sosial Siyasət Komitəsinin sədri, deputat Hadi Rəcəbli sosial şəbəkələrdə 3 gün öncə övladı şəhid olmuş ata ilə müqayisə olunmasına və təhqir edilməsinə münasibət bildirib.
H.Rəcəbli “Ölkə.Az”a açıqlamasında deyib ki, onu təhqir edənlər Allah və vicdanları qarşısında cavab verməlidir:
“Mən anlaya bilmirəm ki, axı nə üçün demədiyim sözləri adımdan yazırlar. Sonra da sosial şəbəkələrdə mənim ünvanıma təhqiramiz ifadələr yazılır. Mən heç vaxt belə söz deməmişəm, heç yerdə bu cür çıxış etməmişəm. Heç kəsə bu cür müsahibə verməmişəm. Adımdan bu cür fikirlər yazanlar Allah qarşısında cavab verəcək”.
Vasif Həsənli
Ölkə.Az
