“Ana-bacı söyüşü işlətdi, mən də ürəyindən vurdum”
“Ölkə.Az”ın məlumatına görə, cinayət məcəlləsinin 120.1-ci maddəsi ilə təqsirləndirilən Məmmədov Qabil Abil oğlunun məhkəmə prosesinə hakim Faiq Qəniyev sədrlik edir.
İttiham aktına görə, 2018-ci ilin yanvar ayında Xızı rayonu ərazisində-Giləzi-Xızı yolunda qətl hadisəsi baş verib. Yanvarın 16-da Giləzi -Xızı yolunda Giləzi qəsəbə sakinləri Vamiq Cəfərovun idarə etdiyi "Niva" markalı avtomobillə Qabil Məmmədovun idarə etdiyi "VAZ-2106" markalı avtomaşın toqquşub. Qəzadan sonra sürücülərin bir-birilə mübahisəsi qətllə nəticələnib. Qabil Məmmədovun mübahisə zəminində Vamiq Cəfərova ürək nahiyəsindən bir bıçaq zərbəsi endirib. Sonuncu hadisə yerindəcə keçinib. Qabil Məmmədov isə hadisə yerindən qaçıb.
Həmkəndlisi 38 yaşlı Vamiq Süleyman oğlu Cəfərovu bıçaqlayaraq öldürən Giləzi qəsəbə sakini 41 yaşlı Qabil Abil oğlu Məmmədov yanvarın 18-də gündüz saat 14 radələrində Xızı rayon polis şöbəsinin əməkdaşları tərəfindən tutulub. Dərhal rayon prokurorluğuna-istintaqa təhvil verilən Qabil Məmmədov ilkin ifadəsində həmkəndlisi Vamiq Cəfərovu ona ana-bacı söyüşü söydüyü üçün bıçaqladığını, onun da hadisə yerində öldüyünü bildirib.
