24 ildir məzuniyyətdə olan mühəndis işdən qovuldu

İctimai işlər departamentinin 24 ildir ki, işə gəlməyən əməkdaşı qovulub. 

Maraqlı hadisə Hindistanda baş verib. Elektrotexnik vəzifəsində çalışan A.K.Varma adlı işçi 1990-cu ilin dekabrında məzuniyyətə çıxıb. O, məzuniyyət vaxtının uzadılması ilə bağlı xahiş etsə də onun bu istəyi yerinə yetirilməyib. Bundan sonra həmin mühəndis işə gəlməkdən imtina edib.

1992-ci ildə aparılan araşdırma zamanı Varmanın işə uzun müddətdir ki, gəlmədiyi məlum olub. Amma işdən çıxarılması yalnız 22 ildən sonra reallaşdırılıb.  

Buna səbəb Hindistandakı bürokratiya göstərilib. 

Qeyd edək ki, 2012-ci ildə Asiyanın ən dəhşətli bürokratiya sistemi cədvəlinə Hindistan rəhbərlik edib. (qafqazinfo)

Ölkə.Az