"Barselona"dan əzmkar qələbə

İspaniya La Liqasında növbəti mərkəzi qarşılaşma baş tutub.

 "Barselona" - "Atletiko Madrid"i Nou Kamp-da qonaq edib. Matça ev sahibi yaxşı başlayıb və artıq 11-ci dəqiqədə Neymar komandasını önə keçirən qolu atıb.

Gərgin mübarizə şəraitində davam edən oyunun 34-cü dəqiqəsində Luis Suarez ilə fərqi 2-ə çatdırıb. Matçın ilk yarısı 2-0 hesabı ilə başa çatıb. Oyunun ikinci hissəsində isə "Atletiko Madrid" bir qola cavab verib. 57-ci dəqiqədə Mariyo Mandzukiç penaltini qola çevirib.

Bu nəticənin ardından "Barselona" xalını 41-ə qaldırıb. "Atletiko Madrid" isə zirvə yolunda ağır bir yara alaraq 38 xalda qalıb.(Anspress)

Ölkə.Az