Qüdrət Həsənquliyev: \"Elm və təhsilə ayrılan xərclər yetərli deyil\"

“Ölkə.Az” xəbər verir ki, bu sözləri millət vəkili Qüdrət Həsənquliyev 2017-cü il büdcə müzakirələrindən danışarkən  bildirib.

Millət vəkili elm və təhsilə ayrılan xərclərin yetərli olmadığını deyib:

“Məni narahat edən məsələ elm xərcləridir. Ötən il elm xərclərinə 118 milyon vəsait ayrılıb, 8 milyon 220 min istifadə edilməyib. Buna aydınlıq gətirilsin.  Elmə və təhsilə yetərincə vəsait ayırmadan ölkənin inkişafı çətin olur. Böyük Britaniyada xarici tələbələrdən hər il 20 milyard funt strerlinqdən çox gəlir götürür bunun hesabına hər il  200 mindən çox iş yeri artırılır. Bunun üçün bizim potenzialımız var. İran, Türkiyə və Asiya ölkələrindən tələbə cəlb etməyimizə imkan var”.

Millət vəkili qısa zamanda universitetlərin yataqxanalarının tikilməsinin də vacib olduğunu bildirib:

“Bu gün universitetlərin yataqxana problemı var. Bakı Dövlət Universitetinin yataqxanası illərdir sökülüb və yenisi tikilmir. Digar ali məktəblərdə də oxşar problem yaşanır. Bu gün tələbələr xaricdə ali təhsil üçün kampusların olmasına önəm verirlər”.

Vasif Həsənli
Ölkə.Az