Əli Məsimli: “Monopoliya kənd təsərrüfatına yaxın buraxılmamalıdır”

“Ölkə.Az” xəbər verir ki, bu sözləri Əli Məsimli "Torpaq icarəsi haqqında"  qanun layihəsinə dəyişikliyə münasibət bildirərkən deyib.

Millət vəkili bildirib ki,bununla da kənd təsərrüfatının icarə haqlarının büdcəyə daxil olması təmin edilməlidir.

“Sovet dövründə hər bir bölgədə əkilən məhsulla bağlı ixtisaslaşma var idi. Bu məsələdə yaxşı ixtisaslaşma var idi. Bu gün isə bu məsələdə plansızlıq  var. Hesab edirəm ki, planlı şəkildə əkin olsa, yaxın gələcəkdə 5-6 milyard dollar vəsait qazana bilərik. Fermerlərə qanunla qadağan edilməyən sahələrdə inkişafa, xaricə çıxışına imkan verilsə kənd təsərrüfatı inkişaf edər. Həm əhalini kənd təsərrüfatı məhsulları ilə təmin edərik, həm də büdcəyə əlavə gəlir gələr. Bu ölkə əhalisinin 47 faizinin yaşayışının yaxşılaşmasına  imkan verər”.

Millət vəkili Qüdrət Həsənquliyev isə dövlət mülkiyyətində olan kənd təsərrüfatı torpaqlarının hərrac yolu ilə satışı təmin edilməməsinin doğru olmadığını deyib.

“Qanunda göstərilib ki, bu torpaqların alınması üçün vətəndaş  hər hansı quruma  müraciət etməlidir. Bu maddədə dəyişikliyə ehtiyac var”.

Vasif Həsənli
Ölkə.Az