Prezident tıxacda qaldı

Türkiyə prezidenti R.T.Ərdoğanın avtomobil korteji tıxacda qalıb.

Ölkə.Az türk mediasına istinadən xəbər verir ki, İstanbulda bu gün səhər yağışla birlikdə yaranan tıxac prezident Rəcəb Tayyib Ərdoğandan da yan ötüşməyib.

Bu gün saat 10.00-da "Topqapı" Muzeyindəki tədbirdə iştirak etmək üçün Ərdoğanın korteji saat 09.40-da Kısıklı bölgəsində yerləşən mənzilindən yola düşüb. Ancaq Ərdoğanın korteji Kısıklı prospektində yağış səbəbindən yaranan tıxacda qalıb.
Ərdoğanın korteji hərəkəti demək olar ki mümkünsüz olan tıxacda avtobusların arasında qalıb.
Marşrut üzərindəki yol polislərinin yolu açması ilə Ərdoğanın korteji hərəkət edə bilib.

Qeyd edək ki, Ərdoğan tədbirə gecikib.

Ölkə.Az