Banklar zərərlə işləyir
Maliyyə Bazarlarına Nəzarət Palatasından "Ölkə.Az"a verilən məlumata görə, sektorun balans kapitalı 3,9 mlrd. manat, əhalinin əmanətləri isə 7,8 mlrd. manat olub. 2018-ci ilin aprel ayı ərzində bank sektorunun aktivləri 0,9% (256 mln. manat), öhdəlikləri 1,1% (258 mln. manat) azalıb, kapitalı isə 0,04% (2 mln. manat) artıb.
Fəaliyyət göstərən 30 bankın filiallarının sayı 511, şöbələrinin sayı 143, ATM-lərin sayı 2467 olub. Bütövlükdə, bank sektorunun işçi heyəti 16,503 nəfər təşkil edib. Aprel ayında bank sektorunda işçi sayı 0,7% və ya 114 nəfər artıb.
2018-ci il mayın 1-nə bank sektorunun zərəri 57,1 mln. manat təşkil edib. Belə ki, bu ilin 4 ayında bankların faiz gəlirləri 561 mln. manat, faiz xərcləri isə 201,1 mln. manat olub.