“Bu davranışı Quranla uzlaşdırın görün, bir əlaqə tapacaqsınızmı?”
Son dövrlər sosial şəbəkələrdə şiələrin əzdarlığı ilə bağlı videolar yayılır.
“Ölkə.Az” xəbər verir ki, millət vəkili Fazil Mustafa belə videolardan birinə münasibət bildirib. “Facebook”da paylaşılan videonun Məhərrəmlik ayında çəkildiyi ehtimal edilir. İlahiyyatçı Hacı Şahin Həsənli də bu mərasimdə əzadarlıq edir.
Paylaşmaya şərh verən Fazil Mustafa bu hərəkətlərin İslam dini ilə heç birə əlaqəsinin olmadığını yazıb:
"Bu da azərbaycanlıların ənənəvi dini. 500 il, 300 il, 100 il öncə yaşananlarla bu gün yaşananların fərqini görməzsiniz. Bu dinin adına Azərbaycanda İslam deyirlər. Təkcə elmdə, texnologiyada, fəlsəfədə, təhsildə, səhiyyədə geridə deyilik, din əxlaqında da quyunun dibindəyik. Bu davranışı Quranla uzlaşdırın görün, bir əlaqə tapacaqsınızmı?”.
