Terrorçuların Avropada növbəti hədəfi açıqlandı

Xüsusi xidmət orqanları terrorçuların Avropadakı növbəti hədəfi barədə məlumat veriblər.

Ölkə.Az xəbər verir ki, Sergio Ramenin "Il Giornale" qəzetində çap olunan məqaləsində Roma Papasının islamçılar tərəfindən hədəf seçildiyini bildirib.

Amerika və israil xüsusi xidmət orqanları Roma Papasını müqəddəs kürsünün islamçılar tərəfindən zərbənin endirilməsi üçün növbəti obyekt olması barədə xəbərdarlıq ediblər. Orqanların məlumatına görə, İŞİD lideri Xəlif Əbu Bəkr əl-Bağdadi və onun yaraqlıları Vatikana zərbə endirmək fikrindədirlər və artıq 4 nəfər terrorçu bu məqsədə nail olmaq üçün miqrant adı ilə Avropaya yollanıb. İtaliya kəşfiyyatı təsdiq edib ki, "Mossad" və Mərkəzi Kəşfiyyat İdarəsi Romaya mümkün ssenariləri əks etdirən, lakin konkret təhlükələri göstərməyən məlumat ötürüblər.

"Müqəddəs kürsü və Papa Fransiskin özü çoxdandır ki, terrorçuların hədəfindədir", - deyə kəşfiyyat xidmətlərinin nümayəndələri qeyd edib.

İŞİD lideri Xəlif Əbu Bəkr əl-Bağdadi ötən ilin iyulunda çıxışların birində Romanı fəth etmək fikrində olduğunu bəyan etmişdi.

Rəşid Mustafazadə

Ölkə.Az