Nyu-York hakimiyyəti penoplasta qadağa qoydu

Bu material yenidən emal edilə bilməz.

Nyu-York ABŞ-ın penoplast bağlamaya qadağa qoyan ən iri şəhəri oldu. 2015-ci ilin iyul ayının 1-dən ərzaq daşınması üçün istifadə edilən bu materialdan olan stəkan, fincan, nimçə, qida konteynerləri restoran, mağaza və müəssisələrindən yığışdırılacaq. Bu barədə meqapolisin meri Bill de Blazio, Gigiyena Departamentinin penoplastın yenidən emal edilə bilməməsi haqqında bəyanatndan sonra qərara gəlib.

Oxu.Az bu barədə Recyclemag-a istinadən xəbər verir.

Bundan başqa, penoplastdan olan bağlama üçün ikinci bazar da mövcud deyil, parçalanma üçün isə yüz illər lazım olacaq. Hər il Nyu-Yorkda tullantıların içinə 30 min ton penoplast düşür. Bu bağlama növünə qadağa artıq San-Fransisko, Sietl və Portlenddə qüvvədədir.(Trend)

Ölkə.Az