İranlı dələduz ölkəsinə ekstradisiya olunacaq
Bu gün Bakı Ağır Cinayətlər Məhkəməsində Azərbaycanda həbs edilən İran İslam Respublikasının vətəndaşı Ebrahimi Milaninin ölkəsinə ekstradisiyası ilə bağlı məhkəmə prosesi keçirilib.
“Ölkə.Az”ın xəbərinə görə, hakim Faiq Qəniyevin sədrliyi ilə keçirilən prosesdə hökm elan edilib.
E. Milaninin ölkəsinə ekstradisiya edilməsi barədə hökm çıxarılıb.
Qeyd edək ki, E. Milani külli miqdarda dələduzluqda təqsirləndirilir.
O, İran İslam Respublikasının beynəlxalq axtarışı nəticəsində Azərbaycanda həbs edilib.
