ABŞ dünya bazarını rus taxılının üzünə bağladı
ABŞ-ın Kənd Təsərrüfat Nazirliyi dünya bazarlarında rus taxılına alternativləri müəyyən edib.
Ölkə.az Rusiya mediasına istinadən xəbər verir ki, ABŞ-ın Kənd Təsərrüfatı Nazirliyi dünya bazarlarında Avropa İttifaqı və Ukrayna taxılının rus taxılını əvəz edə biləcəyi haqqında rəsmi açıqlama yayıb.
"Rusiyanın dünya bazarına taxıl ixracı ixracat rüsumunun dəyişməsinin nəticəsi olaraq məhdudlaşdırılıb. Artıq dünya bazarlarında Ukrayna və Aİ ölkələrində istehsal edilmiş taxılın həcmi kifayət qədər artırılıb", nazirliyin hesabatında belə deyilir.
Xatırladırıq ki, Rusiya 1 fevral tarixindən taxıl ixracatına 15%-lik ixrac rüsumu tətbiq edəcək. Bu gömrük dəyəri və üstəgəl hər 35 ton taxıl görə 7,5 avrodur. Rusiya bu rüsumları tətbiq etməklə öz daxili bazarında taxıl məhsullarının qiymətini sabit saxlamağa çalışır.
Ölkə.az
