İqtisadçı: "Gediş haqlarının artmasından danışmaq hələ çox tezdir"

Tarif Şurasından verilən məlumata görə, 12 yanvar 2015-ci il tarixində Azərbaycan Respublikası Tarif (qiymət) Şurasının növbəti iclası keçirilmiş və “Azərbaycan Respublikasının Vergi Məcəlləsində dəyişikliklər edilməsi haqqında” Azərbaycan Respublikasının 2014-cü il 30 dekabr tarixli Qanununa uyğun olaraq, neft məhsullarının tariflərinə baxılmış və müvafiq tarif tənzimlənməsi aparılmışdır.

Ümumilikdə, yanacağın qiymətində baş verən artım ictimai nəqliyyatda gediş haqqlarının artmasına səbəb ola bilərmi?

Ölkə.az-ın sualını iqtisadçı ekspert Qadir İbrahimli cavablandırıb. Onun fikrincə, bu artım heç bir halda gediş haqqlarına təsir edə bilməz.

"Məlum olduğu kimi, 2015-ci ilədək illik yol vergisini fiziki şəxslər avtonəqliyyat vasitələrinin mühərrikinin həcminə görə texniki baxışdan keçən zaman, hüquqi şəxslər isə balanslarında olan avtonəqliyyat vasitələrinə görə vergi orqanlarına müvafiq bəyannamə təqdim etməklə dövlət büdcəsinə ödəyirdilər. Bu zaman hüquqi və fiziki şəxslər tərəfindən istismara yarasız avtonəqliyyat vasitələrinə görə də onların avtomobil yollarından istifadə edib-etməmələrindən asılı olmayaraq yol vergisi ödənilirdi.
Bundan əlavə bazardakı təsirlər hamının hiss edəcəyi səviyyədə olmayacaq. Bu insanların hər birinin həyatına təsir edəcək bir mövzu olduğu üçün sosial şəbəkədə bu barədə reaksiyalara çox rast gəlirik. Ona görə də, sosial şəbəkələrdə reaksiyalara rast gəlmək təbiidir.

-Artım gediş haqqlarının artmasına səbəb ola bilərmi?

"Nəzərə alaq ki, benzinin qiymətinin qalxması nəqliyyatda gediş haqqlarının artması ilə nəticələnə bilər. Amma hələki bu artımdan danışmaq çox tezdi. Artım yalnız benzinin qiymətində bir az da bahalaşma baş verərsə ola bilər".

Qeyd edək ki, Vergi Məcəlləsinə edilən dəyişikliklərə əsasən, ölkə ərazisində istehsal edilərək daxili istehlaka yönəldilən və idxal edilən avtomobil benzini, dizel yanacağı və maye qazın hər litrinin topdansatış qiymətinə 2 qəpik əlavə edilməklə yol vergisinin tətbiqi nəzərdə tutulub.

Fatimə İbrahimova
Ölkə.az